ព័ត៌មានរបស់សាលា CLA សម្រាប់ខែសីហា ឆ្នាំ2024 - 2025

សូមថ្លែងអំណរគុណយ៉ាងជ្រាលជ្រៅចំពោះអាណាព្យាបាលសិស្សដែលតែងតែគាំទ្រ និងសហការជាមួយសាលារហូតមកដល់ពេលនេះ។

នៅសល់ប្រហែលជា 3សប្តាហ៍ទៀត ការសិក្សារយៈពេលមួយឆ្នាំនឹងត្រូវបញ្ចប់ក្នុងពេលឆាប់ៗនេះហើយ។ យើងសង្ឃឹមថាសិស្សបឋមសិក្សាអាចឃើញលទ្ធផលនៃការសិក្សារបស់ពួកគេនៅក្នុងកម្មវិធី "បទបង្ហាញអំពីការសិក្សា" ដែលបានធ្វើឡើងនៅក្នុងខែសីហា។ សិស្សបឋមសិក្សាក៏បានបញ្ចប់ការប្រឡងចុងក្រោយឆមាសទីពីររបស់ខ្លួនផងដែរ។ លោកគ្រូអ្នកគ្រូនឹងបន្តប្រឹងប្រែងបន្តទៀតនៅកំឡុងពេលដែលនៅសល់ចុងឆ្នាំសិក្សា ទាំងក្នុងការសិក្សា និងសកម្មភាពប្រចាំប្រចាំថ្ងៃរបស់សិស្សានុសិស្ស។

សិស្សមត្តេយ្យកំពុងរៀបចំពិធីបញ្ចប់ការសិក្សា និងធ្វើបទបង្ហាញដើម្បីបង្ហាញពីលទ្ធផលនៃការសិក្សារបស់ពួកគេ។ យើងខ្ញុំនឹងអញ្ជើញមាតាបិតា និងអាណាព្យាបាលឱ្យចូលរួមលើកទឹកចិត្ត និងចែករំលែកនៅក្នុងវឌ្ឍនភាពរបស់កូនៗ។

នៅសល់ពេលបន្តិចទៀតប៉ុណ្ណោះ ប៉ុន្តែលោកគ្រូអ្នកគ្រូ និងបុគ្គលិកទាំងអស់នឹងធ្វើការរួមគ្នាដើម្បីធ្វើឲ្យព្រឹត្តិការណ៍នេះបញ្ចប់ដោយរលូន។ យើងខ្ញុំស្នើសុំអាណាព្យាបាលក្នុងការចូលរួមកិច្ចសហការជាមួយសាលាបន្តទៀត។

【កម្មវិធីថ្លែងអំណរគុណ៖ពិធីបុណ្យរដូវក្រៅនៃថ្នាក់មត្តេយ្យ (ថ្នាក់សាគូរ៉ា)】

នៅថ្ងៃទី 22 ខែសីហាកន្លងទៅនេះ កុមារផ្នែកមតេ្តយ្យសិក្សាកម្រិតខ្ពស់ (ថ្នាក់ផ្កាសាគូរ៉ា) បានធ្វើកម្មវិធីថ្លែងអំណរគុណ (ពិធីបុណ្យរដូវក្តៅ) ដោយបានរៀបចំដោយចិត្តទុកដាក់។ 

នៅក្នុងកម្មវិធីនេះ កុមារបានបើក "ហាងលក់" ជាមួយនឹងស្នាដៃដែលធ្វើដោយខ្លួនឯង មានដូចជា ហាំប៊ឺហ្គឺ​ ស៊ូស៊ី និងបាច់ផ្កាជាដើម។

ស្នាដៃទាំងនោះត្រូវបានធ្វើឡើងបានយ៉ាងល្អ ហាក់បីដូចជារបស់ពិតៗ។ អ្នកចូលរួមធ្វើជាភ្ញៀវ មានកុមារមត្តេយ្យសិក្សាថ្នាក់តូចៗ សិស្សថ្នាក់បឋមសិក្សា លោកគ្រូអ្នកគ្រូ បុគ្គលិកចុងភៅ បុគ្គលិកសម្អាត និងតៃកុងរថយន្តសាលា ក៏ត្រូវបានអញ្ជើញមកចូលរួមកម្មវិធីនេះផងដែរ។ លើសពីនេះ នៅមុខទីតាំងកម្មវិធីក៏មានរៀបចំកន្លែងថតរូប និងល្បែងបោះកង ដែលបានបង្កើតបរិយាកាសដ៏រីករាយ និងពោរពេញទៅដោយស្នាមញញឹម។

【​បទ​បង្ហាញ​ការ​សិក្សា​ផ្នែក​សាលា​បឋម​សិក្សា】

សូមថ្លែងអំណរគុណចំពោះមាតាបិតា និងអាណាព្យាបាលដែលបានអញ្ជើញចូលរួមទស្សនាកម្មវិធីបទបង្ហាញអំពីការសិក្សារបស់សិស្សថ្នាក់ បឋមសិក្សាចាប់ពីថ្នាក់ទី1 ដល់ថ្នាក់ទី5។

នៅថ្ងៃសុក្រ ទី8 ខែសីហាកន្លងទៅនេះ បទបង្ហាញការសិក្សាត្រូវបានធ្វើឡើងសម្រាប់សិស្សានុសិស្សថ្នាក់បឋមសិក្សា។ សិស្សបានសិក្សាជាច្រើនក្នុងរយៈពេលមួយឆ្នាំនេះ ហើយថ្ងៃកម្មវិធីនោះគឺថ្ងៃសម្រាប់សិស្សបង្ហាញនូវអ្វីដែលបានសិក្សា ការលូតលាស់ និងព្យាយាមចំពោះអាណាព្យាបាល។ សិស្សបានជ្រើសរើសអ្វីដែលចង់បង្ហាញ មានដូចជាការច្រៀង ការរាំ ធ្វើបទបង្ហាញ និងសម្តែងរឿងជាដើមទៅតាមកម្រិតថ្នាក់។

ចំពោះលើកនេះ ទោះបីជាសិស្សថ្នាក់ទី6 មិនបានចូលរួមធ្វើបទបង្ហាញដោយផ្ទាល់ក៏ពិតមែន ប៉ុន្តែពួកគេបានចូលរួមទស្សនា និងកត់ត្រាពីចំណាប់អារម្មណ៌របស់ពួកគេ លើការធ្វើបទបង្ហាញរបស់សិស្សប្អូនជំនាន់ក្រោយ។ សាលាសង្ឃឹមថាអាណាព្យាបាលដែលបានទស្សនាកម្មវិធីនេះ អាចឃើញពីការខិតខំប្រឹងប្រែង និងការលូតលាស់របស់កុមារ។

【ការប្រឡងឆមាសលើកទី2 សម្រាប់សិស្សកម្រិតបឋមសិក្សា】

   ការប្រឡងឆមាសលើកទី2 រយៈពេលបីថ្ងៃ ត្រូវបានធ្វើឡើងសម្រាប់សិស្សកម្រិតបឋមសិក្សានៅសាលា CLA ដែលបាន​ចាប់ផ្ដើមពីថ្ងៃទី19 ដល់ថ្ងៃទី21 ខែសីហាកន្លងទៅនេះ។ សាលា CLA ក៏អនុវត្តទៅតាមស្តង់ដារដូចសាលារៀនទូទៅនៅប្រទេសកម្ពុជាផងដែរ ដោយមានការប្រឡង2ដងក្នុងមួយឆ្នាំ គឺឆមាសទី១ និងឆមាសទី២សម្រាប់គ្រប់កម្រិតថ្នាក់បឋម ។

តាមរយៈការប្រឡងទាំងនេះ សិស្សានុសិស្សបានដឹងពីសារៈសំខាន់នៃ "ការសិក្សាប្រចាំថ្ងៃ" និង "ការជឿជាក់លើសមត្ថភាពខ្លួនឯង" ម្តងទៀត។ ហើយពួកគេពិតជាខិតខំក្នុងការសរសេរចម្លើយពេលប្រឡង។

   យើងសង្ឃឹមថាសិស្សានុសិស្សគ្រប់រូបនឹងអាចទទួលបានលទ្ធផលល្អតាមបំណងប្រាថ្នារបស់ពួកគេ។