ព័ត៌មានរបស់សាលា CLA សម្រាប់ខែកញ្ញា ឆ្នាំ2024 - 2025

កាលពីថ្ងៃទី១៩ ខែកញ្ញា សាលាបានប្រារព្ធកម្មវិធីបញ្ចប់ការសិក្សា។ វាមានរយៈពេលមួយឆ្នាំហើយចាប់តាំងពីឆ្នាំសិក្សាថ្មីបានចាប់ផ្តើម។ ការបង្ហាញ និងអាកប្បកិរិយារបស់កុមារនៅពេលដែលពួកគេបានទទួលវិញ្ញាបនបត្របញ្ចប់ការសិក្សាពីលោកនាយកសាលាមើលទៅកាន់តែរឹងមាំ និងស្វាហាប់។

នៅពេលចូលរៀនថ្នាក់មត្តេយ្យដំបូង មានមិត្ត​ភក្តិ​​មួយ​ចំនួន​មិន​អាច​ចូល​ថ្នាក់​រៀន​បាន​ទេ។ ហើយក៏មាន​មិត្តភក្តិ​ខ្លះ​មិន​ចូល​ចិត្ត ​ស្តាប់​អ្វី​ដែល​ គ្រូ​និយាយដែរ។ នៅថ្នាក់បឋម ក៏មានមិត្តភក្តិ​ខ្លះ​បានខិតខំប្រឹងប្រែង​តស៊ូ​នឹង​ការ​សិក្សា​ដ៏​លំបាកផងដែរ។ ទោះជាយ៉ាងណា ក៏ដោយ ក្នុងរយៈពេល មួយឆ្នាំកន្លងមកនេះ នៅពេលដែលបានសិក្សាជាមួយគ្រូ និងមិត្តភក្តិ អាចបង្កើននូវសមត្ថភាពដែលអាចធ្វើបាន ដោយខ្លួនឯង។ លោកគ្រូ​អ្នកគ្រូ ​សប្បាយរីករាយ​ដែល​​បាន​ឃើញកុមារមក​សាលារៀន​ប្រកបដោយ​ស្មារតី​ល្អ និង​រីកចម្រើន​រយៈពេល មួយឆ្នាំនេះ​។ តស់! ខិតខំប្រឹងប្រែងក្នុងការសិក្សា​ ​ជាមួយ​មិត្តភ័ក្ដិ និង​គ្រូ​នៅ​ឆ្នាំ​ក្រោយ​ផង​ដែរ។

សូមថ្លែងអំណរគុណចំពោះមាតាបិតា និងអាណាព្យាបាលទាំងអស់សម្រាប់ការយោគយល់ និងសហការក្នុងសកម្មភាពរបស់ សាលាក្នុង រយៈពេលមួយឆ្នាំកន្លងមក។ ពេល​ត្រឡប់​មក​ផ្ទះ​វិញ​ថ្ងៃ​នេះ សូម​សួរនាំកូនៗរយៈពេលមួយឆ្នាំ​កន្លង​មក​ជាមួយ​កូនៗផង។ ម្យ៉ាងទៀត សូម​និយាយ ​សួរនាំផង​ដែរ​អំពី​អ្វី​ដែល​កុមារបាន​ខិតខំ​ និង​អ្វី​ដែល​ពួកគេចង់​ធ្វើ​នៅ​ក្នុង​ជំនាន់​ទី១០ ។ យើងខ្ញុំ សង្ឃឹមថាការទន្ទឹង រង់ចាំឃើញកុមារមកសាលារៀន នៅជំនាន់ទី១០ ប្រកបដោយភាពរីករាយ និងដូចជាការរំពឹងទុក។

សង្ឃឹមថាកុមារនឹងមានពេលវេលាដ៏ល្អក្នុងអំឡុងពេលឈប់សម្រាករយៈពេលវិស្សមកាលនេះ ដើម្បីរៀបចំសម្រាប់មកបន្តនៅជំនាន់ទី១០ និងពេលវេលាដ៏ល្អ។ អរគុណច្រើនសម្រាប់រយៈពេលមួយឆ្នាំ។

【ឆ្នាំសិក្សា ២០២៥ នឹងឈានដល់ការបញ្ចប់ហើយ!!】

នៅខែកញ្ញា ឆ្នាំ ២០២៥ សាលា CIESF Leaders Academy បានបញ្ចប់កម្មវិធីមត្តេយ្យ និងបឋមសិក្សារបស់ខ្លួន ហើយសិស្សថ្នាក់ ទី6ទាំងអស់ ក៏បានបញ្ចប់ការសិក្សាដែរ។

វាជាបញ្ហាប្រឈមអស់រយៈពេល ៩ ឆ្នាំចាប់តាំងពីសាលាមត្តេយ្យបានបើកដំណើរការនៅឆ្នាំ ២០១៦ ជាមួយនឹងការបិទសាលារៀនដោយ សារតែ COVID-១៩ ប៉ុន្តែក៏សូមអរគុណចំពោះកិច្ចសហប្រតិបត្តិការរបស់មាតាបិតា និងអាណាព្យាបាលទាំងអស់គ្នា ទើបសាលាអាចបន្តដំណើរការ រហូតមកដល់សព្វថ្ងៃនេះ។ សូមថ្លែងអំណរគុណយ៉ាងជ្រាលជ្រៅ។

ចាប់ពីឆ្នាំក្រោយតទៅ តាមសំណើរបស់ CIESF Japan និងរដ្ឋាភិបាលកម្ពុជា សាលាCIESF Leaders Academy នឹងត្រូវបាន បំប្លែងទៅជាសាលាអន្តរជាតិ។ ដូចដែលយើងខ្ញុំធ្លាប់បានពន្យល់កន្លងមក យើងខ្ញុំនឹងសុំឱ្យគ្រួសារទទួលបន្ទុកខ្លះៗ ប៉ុន្តែបុគ្គលិកទាំងអស់របស់យើងខ្ញុំ នឹងបន្តខិតខំប្រឹងប្រែងបន្ថែមទៀត ដើម្បីកែលម្អ សម្ភារៈសិក្សា កម្មវិធីសិក្សា និងអ្វីៗជាច្រើនទៀត។ សូមជួយគាំទ្រផង។

ឥឡូវនេះ នៅពេលដែលយើងមកដល់ចុងឆ្នាំសិក្សា ហើយក្រឡេកទៅមើលពេញមួយឆ្នាំសិក្សាវិញ មានព្រឹត្តិការណ៍សំខាន់ៗជាច្រើននៅក្នុង ឆមាសទីពីរនេះ។ ដំបូងបង្អស់គឺការប្រកួត SuraRa ។ នេះជាការប្រកួតគណិតវិទ្យាតាមរយៈ ICT លើកទីមួយ ដែលរៀបចំឡើងក្នុងប្រទេសកម្ពុជា ហើយសិស្សសាលារបស់យើងបានជាប់ចំណាត់ថ្នាក់លេខ ១ នៅក្នុងផ្នែកបឋមសិក្សា។ លើសពីនេះ សិស្សភាគច្រើនបានប្រឡងជាប់ Japanese Language Proficiency Test(JLPT) នៅ CJCC ដែលបញ្ជាក់ពីការលូតលាស់របស់សិស្សតាមរយៈការវាយតម្លៃខាងក្រៅ។

បន្ទាប់មកគឺជាដំណើរទស្សនកិច្ចសិក្សារបស់សិស្សថ្នាក់ទី៦។ នៅប្រទេសជប៉ុន លទ្ធផលនៃការសិក្សានឹងត្រូវបានបញ្ជាក់តាមរយៈកម្មវិធី បណ្តុះបណ្តាលបែបស្នាក់នៅ។ ខ្ញុំ​គិត​ថា​បទពិសោធន៍​រស់នៅ​ជាសហគមន៍​នៅ​គីរីរម្យ​ជា​អនុស្សាវរីយ៍ដ៏ល្អ​មួយ​សម្រាប់​សិស្សា។ បន្ទាប់មកទៀតក៏មាន កម្មវិធីផ្លាស់ប្តូរបទពិសោធន៍វប្បធម៌ជប៉ុនផងដែរ។ នេះជាគម្រោងដែលទីក្រុងក្នុងស្រុកមួយក្នុងប្រទេសជប៉ុនបានអញ្ជើញកុមារកម្ពុជា។វា​ជា​កាលវិភាគ ​ដ៏​លំបាក​មួយ ប៉ុន្តែ​កុមារ​បាន​ខិត​ខំ​ធ្វើប្រឹងប្រែង រហូត​ធ្វើបានសម្រេច​។

ជាចុងក្រោយគឺការ​ប្រឡង​បញ្ចប់វិញ្ញាបនបត្រ​បឋមសិក្សា​ដំបូង​គេ​នៅ​កម្ពុជា។ កាលពីឆ្នាំមុន យើងបានទទួលអនុសាសន៍ ដើម្បីរៀបចំ ព្រឹត្តិការណ៍នេះ ហើយការត្រៀមរៀបចំត្រូវបានដំណើរការ ប៉ុន្តែនៅឆ្នាំនេះវាត្រូវបានលុបចោលភ្លាមៗដោយសារតែផលប៉ះពាល់នៃជម្លោះអន្តរជាតិ។ CLA នឹង​រៀបចំ​ការ​ប្រឡង​តាម​ការ​គ្រោងទុក​គឺជា​ការ​ប្រឡង​វិនិច្ឆ័យឡើងទៅកម្រិតអនុវិទ្យាល័យ។ មានសិស្សមួយចំនួនដែលមិនបានប្រឡង ហើយ នឹងត្រូវប្រឡងសង ប៉ុន្តែសិស្សផ្សេងទៀតទាំងអស់បានប្រឡងជាប់ជាស្ថាពរ។ វាច្បាស់ណាស់ថា សិស្សបានទទួលនូវសមត្ថភាពសិក្សាដ៏រឹងមាំ ដើម្បី ត្រៀមខ្លួនសម្រាប់ការសិក្សានៅប្រទេសជប៉ុន។

នៅឆ្នាំក្រោយ ពួកគេនឹងបន្តសិក្សានៅកម្រិតឧត្តមសិក្សាបន្ថែមទៀត គឺនៅថ្នាក់អនុវិទ្យាល័យថ្មីរបស់ពួកគេ។

ទោះបីជាយើងបានក្លាយជាសាលាអន្តរជាតិក៏ដោយ ក៏គោលដៅរបស់សាលាយើងនៅតែដដែល។ យើងនឹងបន្តផ្តល់ការអប់រំឱ្យបានហ្មត់ចត់ ដល់សិស្សម្នាក់ៗ។ យើងសូមកោតសរសើរចំពោះការយោគយល់ និងកិច្ចសហប្រតិបត្តិការបន្តរបស់អាណាព្យាបាលទាំងអស់គ្នា។

【បទបង្ហាញអំពីសកម្មភាពប្រចាំថ្ងៃ】

សូមថ្លែងអំណរគុណចំពោះមាតាបិតា និងអាណាព្យាបាលដែលបានអញ្ជើញចូលរួមទស្សនាកម្មវិធីបទបង្ហាញអំពីសកម្មភាពរបស់កូនៗ។

កូនៗបានសិក្សាពីសកម្មភាពជាច្រើនក្នុងរយៈពេលមួយឆ្នាំនេះ ហើយថ្ងៃកម្មវិធីនោះគឺថ្ងៃសម្រាប់សិស្សបង្ហាញនូវអ្វីដែលបានលូតលាស់ផងដែរ។ កូនៗបានបង្ហាញដូចជា  ការច្រៀង ការរាំរបាំ「កូនមាន់តឿ」និងលេងឧបករណ៍ភ្លេងបានយ៉ាងល្អ ហើយគួរឱ្យស្រឡាញ់ទៀតផង។ សង្ឃឹមថាអាណាព្យាបាលដែលបានទស្សនាកម្មវិធីនេះអាច ឃើញពីការខិតខំប្រឹងប្រែង និងការលូតលាស់របស់កុមារ។

【ពិធីបញ្ចប់ការសិក្សា】

នៅថ្ងៃពុធទី 17 ខែកញ្ញា ផ្នែកមត្តេយ្យបានរៀបចំពិធីប្រគល់វិញ្ញាបនបត្រ។

វា​ពិតជា​អស្ចារ្យ​ណាស់​ដែល​បាន​ឃើញ​ការ​បង្ហាញ​កាយវិការ​ សកម្មភាព និង​អាកប្បកិរិយា​គួរ​ឱ្យ​ស្រឡាញ់​របស់​ពួកគេ។

ពួកគេបានច្រៀងបទ " សុវណ្ណភូមិដីខ្មែរ " និង "រហូតដល់ពិភពលោកក្លាយជាតែមួយ" មានភាពជឿជាក់លើខ្លួនឯងនៅពេលទទួលវិញ្ញាបនបត្រ និងការច្រៀងចំរៀងយ៉ាងពូកែនៅមុខអាណាព្យាបាល។ ហើយរីករាយជាមួយគ្នាក្នុងការទស្សនាវីដេអូរំលឹកពីសកម្មភាពសប្បាយរីករាយជាមួយនឹងការីកលូតលាស់របស់កូនៗរយៈពេល៣ឆ្នាំ និងមានមោទនភាពក្នុងការបញ្ចប់ថ្នាក់មត្តេយ្យសិក្សា និងមានការរំពឹងទុកសម្រាប់ការចាប់ផ្តើមថ្នាក់បឋមសិក្សា។ វា​ជា​ពិធី​ដ៏​កក់ក្តៅ​​បំផុត (*^^*)

【​ជំនួបត្រីភាគី】

សូមថ្លែងអំណរគុណមាតាបិតា និងអាណាព្យាបាលចំពោះកិច្ចសហការក្នុងការចូលរួមជំនួបត្រីភាគី កាលពីថ្ងៃចន្ទ ទី១៥ ដល់ថ្ងៃពុធ ទី១៧ ខែកញ្ញា កន្លងទៅនេះ រវាងអាណាព្យាបាល កូនៗ និងគ្រូបន្ទុកថ្នាក់។ លោកគ្រូអ្នកគ្រូនឹងជម្រាបជូនអំពីសកម្មភាពការសិក្សានៅសាលា ការរីកចម្រើន និងចំណុចដែលត្រូវកែតម្រូវរបស់កូនៗជាដើម ទៅកាន់អាណាព្យាបាល។ សង្ឃឹមថាអាណាព្យាបាលទាំងអស់គ្នានឹងអាចទទួលបាន និងផ្តល់នូវព័ត៌មានទៅវិញទៅមក ហើយបន្តចូលរួមសហការជាមួយលោកគ្រូអ្នកគ្រូ ដើម្បីឱ្យការសិក្សារបស់កូនៗកាន់តែរីកចម្រើន និងមានអនាគតល្អ។ 

【ពិធីបញ្ចប់ឆ្នាំសិក្សា ・ពិធីបញ្ចប់ការសិក្សា】

សូមអបអរសាទរចំពោះការបញ្ចប់ឆ្នាំសិក្សា និងបញ្ចប់ការសិក្សា។

កាលពីថ្ងៃសុក្រ ទី១៩ ខែកញ្ញា បានប្រារព្ធពិធីបញ្ចប់ឆ្នាំសិក្សា និងពិធីបញ្ចប់ការសិក្សា។ ការសិក្សារយៈពេលមួយឆ្នាំបានបញ្ចប់ដោយជោគជ័យ។ រយៈពេលមួយឆ្នាំនេះ សិស្សានុសិស្សទាំងអស់បានទទួលនូវចំណេះដឹង និងបានអនុវត្តអ្វីថ្មីៗជាច្រើនដូចជា ការប្រឡងសមត្ថភាពភាសាជប៉ុន(JLPT) គម្រោងផ្លាស់ប្តូរវប្បធម៌ជប៉ុន ឆ្លងកាត់ការប្រឡងឡើងថ្នាក់ជាដើម ធ្វើឱ្យការសិក្សារបស់សិស្សទទួលបាននូវលទ្ធផលល្អ។ សង្ឃឹមថាសិស្សានុសិស្សបន្តខិតខំប្រឹងប្រែង ហើយកែតម្រូវ ក៏ដូចជាបំពេញចំណុចខ្វះខាតនៅឆ្នាំសិក្សាក្រោយទៀត។